ಕ್ರ್ಯೆಸ್ತರ ಹೃದಯವು ಕೃತಜ್ಞತೆಯುಳ್ಳ ಹೃದಯವಾಗಿದೆ

(English Version: “The Christian Heart Is A Thankful Heart”)

ಈ ನಿಜ ಜೀವನದ ಘಟನೆಯ ಮೂಲಕ ವಿವರಿಸಿದಂತೆ, ಕೃತಜ್ಞತೆಯು ಅನೇಕವೇಳೆ ಕಳೆದುಹೋದ ಅಭ್ಯಾಸವೆಂದು ತೋರುತ್ತದೆ. ಎಡ್ವರ್ಡ್ ಸ್ಪೆನ್ಸರ್ ಇವಾನ್ಸ್ಟನ್ ಎಂಬುವವರು, ಇಲಿನಾಯ್ಸ್ ನ್ನಲ್ಲಿ ಸೆಮಿನರಿ ವಿದ್ಯಾರ್ಥಿಯಾಗಿದ್ದರು. ಅಲ್ಲಿ ಅವರು ಜೀವ ಉಳಿಸುವ ತಂಡದ ಭಾಗವಾಗಿದ್ದರು. ಇವಾನ್ಸ್ಟನ್ ಬಳಿಯ ಮಿಚಿಗನ್ ಸರೋವರದ ದಡದ ಬಳಿ ಹಡಗು ಮುಳುಗಿದಾಗ, ಎಡ್ವರ್ಡ್ 17 ಪ್ರಯಾಣಿಕರನ್ನು ರಕ್ಷಿಸಲು ಹಿಮಾವೃತ ತಂಪಾದ ನೀರಿನಲ್ಲಿ ಪದೇ ಪದೇ ಹೋದನು. ಈ ಪ್ರಕ್ರಿಯೆಯಲ್ಲಿ, ಅವರ ಆರೋಗ್ಯವು ಶಾಶ್ವತವಾಗಿ ಹಾನಿಗೀಡಾಯಿತು. ಕೆಲವು ವರ್ಷಗಳ ನಂತರ, ಅವನ ಅಂತ್ಯಕ್ರಿಯೆಯಲ್ಲಿ, ಅವನು ರಕ್ಷಿಸಿದ ಜನರಲ್ಲಿ ಯಾರೂ ಅವನಿಗೆ ಧನ್ಯವಾದ ಹೇಳಲಿಲ್ಲ ಎಂದು ಗಮನಿಸಲಾಯಿತು.

ನಾವು ಅಂತಹ ಕಥೆಯನ್ನು ಓದುತ್ತೇವೆ ಮತ್ತು ಯೋಚಿಸುತ್ತೇವೆ, “ಆ 17 ಜನರು ಕೃತಜ್ಞತೆ ಇಲ್ಲದವರಾಗಿರಲು ಹೇಗೆ ಸಾಧ್ಯ?” ಆದರೆ ಅನೇಕ ಬಾರಿ, ವಿಶ್ವಾಸಿಗಳು ಅದಕ್ಕಿಂತ  ಹೆಚ್ಚಿನ ಅಪಾಯವಾದ ನಿತ್ಯ ನರಕದಿಂದ ರಕ್ಷಿಸಲ್ಪಟ್ಟಿದ್ದರೂ ಸಹ, ಕೃತಜ್ಞತೆ ಇಲ್ಲದ ಪಾಪದ ತಪ್ಪಿತಸ್ಥರಾಗಿರುತ್ತಾರೆ  

ಅನೇಕ ಶಾಸ್ತ್ರವಚನಗಳು ಕೃತಜ್ಞತೆಯು ಒಂದು ಬಾರಿಯ ಲಕ್ಷಣವಲ್ಲ, ಬದಲಾಗಿ ಪ್ರತಿನಿತ್ಯ ಕ್ರೈಸ್ತ ಜೀವಿತದ ಲಕ್ಷಣವಾಗಿದೆ ಎಂಬುದನ್ನು ದೃಢೀಕರಿಸುತ್ತವೆ. ಇದಕ್ಕೆ ಕೆಲವು ಉದಾಹರಣೆಗಳು ಇಲ್ಲಿವೆ:

“ಕೃತಜ್ಞತಾಸ್ತುತಿಯೊಡನೆ ಆತನ ಮಂದಿರದ್ವಾರಗಳಿಗೂ ಕೀರ್ತನೆಯೊಡನೆ ಆತನ ಅಂಗಳಗಳಿಗೂ ಬನ್ನಿರಿ; ಆತನ ಉಪಕಾರ ಸ್ಮರಿಸಿರಿ; ಆತನ ನಾಮವನ್ನು ಕೊಂಡಾಡಿರಿ” [ಕೀರ್ತನೆ 100:4]

“ಯೆಹೋವನಿಗೆ ಕೃತಜ್ಞತಾಸ್ತುತಿ ಮಾಡಿರಿ. ಆತನು ಒಳ್ಳೆಯವನು.ಆತನ ಕೃಪೆಯು ಶಾಶ್ವತವಾಗಿರುವದು” [ಕೀರ್ತನೆ 106:1]

“ಎಲ್ಲದಕ್ಕೂ ತಂದೆಯಾದ ದೇವರಿಗೆ ಯಾವಾಗಲೂ ಕೃತಜ್ಞತೆಯನ್ನು ಸಲ್ಲಿಸಿರಿ” [ಎಫೆಸ 5:20]

“ಹೆಚ್ಚೆಚ್ಚಾಗಿ ಸ್ತೋತ್ರಮಾಡುವವರಾಗಿರಿ” [ಕೊಲೊಸ್ಸೆಯವರಿಗೆ 2:7]

ಈ ಕೆಲವು ವಚನಗಳ ಆಧಾರದ ಮೇಲೆ, ಒಂದು ವಿಷಯವು ಸ್ಪಷ್ಟವಾಗಿದೆ: ವಿಶ್ವಾಸಿಗಳಿಗೆ, ಕೃತಜ್ಞತೆಯು ಎಂದಿಗೂ ಒಮ್ಮೆಯ ಕ್ರಿಯೆಯಾಗಲು ಸಾಧ್ಯವಿಲ್ಲ. ಬದಲಾಗಿ, ಇದು ನಮ್ಮ ದೈನಂದಿನ ಜೀವನದ ಅವಿಭಾಜ್ಯ ಅಂಗವಾಗಿರಬೇಕು! ನಾವು ಎಲ್ಲಾ ಸಮಯದಲ್ಲೂ ಕೃತಜ್ಞರಾಗಿರುವ ಜನರು ಎಂದು ಗುರುತಿಸಲ್ಪಡಬೇಕು!

ಈಗ, ನಾವು ಕೃತಜ್ಞತಾ ಮನೋಭಾವವನ್ನು ಪ್ರದರ್ಶಿಸಬೇಕೆಂದು ದೇವರು ಬಯಸುತ್ತಾನೆ ಎಂದು ನೀವು ಏಕೆ ಭಾವಿಸುತ್ತೀರಿ? ಇದರ ಮಹತ್ವವೇನು? ಕೀರ್ತನೆ 50:23 ಒಂದು ಸುಳಿವನ್ನು ಕೊಡಬಲ್ಲದು ಎಂದು ನಾನು ನಂಬುತ್ತೇನೆ: “ಯಾರು ಸ್ತುತಿಯಜ್ಞವನ್ನು ಸಮರ್ಪಿಸುತ್ತಾರೋ ಅವರೇ ನನ್ನನ್ನು ಗೌರವಿಸುವವರು,” ನಮ್ಮ ಕೃತಜ್ಞತೆಯು ದೇವರಿಗೆ ಮಹಿಮೆಯನ್ನು ತರುತ್ತದೆ. ಆದ್ದರಿಂದ, ಇಲ್ಲಿ ಅಪಾಯದಲ್ಲಿರುವುದು ದೇವರ ಮಹಿಮೆ. ಮತ್ತು ಅದು ಕ್ಷುಲ್ಲಕ ವಿಷಯವಲ್ಲ!  

ಈ ಲೇಖನವು 3 ವಿಷಯಗಳನ್ನು ನೋಡುವ ಮೂಲಕ ವಿಶ್ವಾಸಿಗಳಿಗೆ ಎಲ್ಲಾ ಸಮಯದಲ್ಲೂ ಕೃತಜ್ಞರಾಗಿರಲು ಸಹಾಯ ಮಾಡಲು ಪ್ರಯತ್ನಿಸುತ್ತದೆ: (I) ಕೃತಜ್ಞತೆಯಿಲ್ಲದ ಹೃದಯದ ಅಪಾಯಗಳು, (II) ಕೃತಜ್ಞ ಹೃದಯವನ್ನು ಬೆಳೆಸಿಕೊಳ್ಳುವುದರ ಪ್ರಯೋಜನಗಳು, ಮತ್ತು (III) ಕೃತಜ್ಞ ಹೃದಯವನ್ನು ಬೆಳೆಸಿಕೊಳ್ಳುವ ಸಲಹೆಗಳು.

ನಾವು ಮುಂದುವರಿಯುವ ಮೊದಲು, ಕೃತಜ್ಞತೆಯ ಒಂದು ಮೂಲಭೂತ ವ್ಯಾಖ್ಯಾನ ಇಲ್ಲಿದೆ: ಕೃತಜ್ಞತೆಯು ನಮ್ಮ ಎಲ್ಲಾ  ಆತ್ಮಿಕ ಮತ್ತು ದಹಿಕ ಅಗತ್ಯಗಳನ್ನು ಒದಗಿಸುವ ಉತ್ತಮ ಮತ್ತು ಸಾರ್ವಭೌಮ ದೇವರ ಮೇಲೆ ನಾವು ಸಂಪೂರ್ಣವಾಗಿ ಅವಲಂಬಿತರಾಗಿದ್ದೇವೆ ಎಂಬ ಅಂಶವನ್ನು ಮನಃಪೂರ್ವಕವಾಗಿ ಅಂಗೀಕರಿಸುವುದಾಗಿದೆ.

I. ಕೃತಜ್ಞತೆಯಿಲ್ಲದ ಹೃದಯದ ಅಪಾಯಗಳು.

ಕೃತಜ್ಞತೆಯಿಲ್ಲದ ಹೃದಯಕ್ಕೆ ಸಂಬಂಧಿಸಿದ 2 ಅಪಾಯಗಳಿವೆ.

ಅಪಾಯ # 1.ಕೃತಜ್ಞತೆಯಿಲ್ಲದ ಮನೋಭಾವವು ಅವಿಶ್ವಾಸಿಯ ಗುರುತಾಗಿದೆ.

ಅವಿಶ್ವಾಸಿಗಳ ಜೀವನಶೈಲಿಯನ್ನು ವರ್ಣಿಸುವಾಗ, ರೋಮಾಪುರ 1:21ರಲ್ಲಿ ನಮಗೆ ತಿಳಿಸಲಾಗಿದೆ, “ಅವರು ಆತನನ್ನು ದೇವರೆಂದು ಘನಪಡಿಸಲಿಲ್ಲ ಅಥವಾ ಆತನಿಗೆ ಕೃತಜ್ಞತೆ ಸಲ್ಲಿಸಲಿಲ್ಲ.” ಈ ಲೋಕದಲ್ಲಿ ಅನೇಕ ಆಶೀರ್ವಾದಗಳನ್ನು ಪಡೆಯುತ್ತಿದ್ದರೂ [ಮತ್ತಾಯ 5:45; ಅ. ಕೃತ್ಯಗಳು 14:15-17], ಅವಿಶ್ವಾಸಿಗಳು ಬೈಬಲಿನ ದೇವರಿಗೆ ಕೃತಜ್ಞತೆ ಸಲ್ಲಿಸಲು ವಿಫಲರಾಗುತ್ತಾರೆ. ಆದುದರಿಂದ, ಯಾರಾದರೂ ತಾವು ಕ್ರೈಸ್ತರೆಂದು ಹೇಳಿಕೊಂಡರೂ, ಕೃತಜ್ಞತಾರಹಿತ ಮನೋಭಾವದಿಂದ ನಿರೂಪಿಸಲ್ಪಟ್ಟಿದ್ದರೆ, ವಾಕ್ಯವು ಅವರನ್ನು ಅವಿಶ್ವಾಸಿಗಳು ಎಂದು ವರ್ಣಿಸುತ್ತದೆ.

ಅಪಾಯ # 2. ಇದು ದೇವರ ಪ್ರಕಟಿತ ಚಿತ್ತಕ್ಕೆ ಅವಿಧೇಯತೆಯ ಅಭಿವ್ಯಕ್ತಿಯಾಗಿದೆ.

1 ಥೆಸಲೊನೀಕ 5:18ರಲ್ಲಿ ನಮಗೆ ಆಜ್ಞಾಪಿಸಲಾಗಿದೆ, “ಎಲ್ಲಾ ಸಂದರ್ಭಗಳಲ್ಲಿ ಕೃತಜ್ಞತೆಯನ್ನು ಸಲ್ಲಿಸಿರಿ; ಏಕೆಂದರೆ ಇದು ಕ್ರಿಸ್ತ ಯೇಸುವಿನಲ್ಲಿ ನಿಮಗಾಗಿ ದೇವರ ಚಿತ್ತವಾಗಿದೆ.” ಎಲ್ಲಾ ಸಂದರ್ಭಗಳಲ್ಲಿಯೂ ಕೃತಜ್ಞತಾಪೂರ್ವಕ ಹೃದಯವನ್ನು ದೇವರು ತನ್ನ ಮಕ್ಕಳಿಂದ ಅಪೇಕ್ಷಿಸುತ್ತಾನೆ. ದುಃಖದ ಸನ್ನಿವೇಶಗಳಲ್ಲಿಯೂ ಸಹ, ದೇವರು ಸಂಪೂರ್ಣ ನಿಯಂತ್ರಣದಲ್ಲಿದ್ದಾನೆ ಮತ್ತು ನಮ್ಮ ಒಳಿತಿಗಾಗಿ ಮತ್ತು ಆತನ ಮಹಿಮೆಗಾಗಿ ಎಲ್ಲವನ್ನೂ ಮಾಡುತ್ತಾನೆ ಎಂದು ನಾವು ಕೃತಜ್ಞರಾಗಿರಲುಸಾಧ್ಯವಿದೆ [ರೋಮಾಪುರ 8:28-29].

ಅನೇಕ ಕ್ರೈಸ್ತರು ತಮ್ಮ  ಜೀವನದ ಹಲವಾರು ಸನ್ನಿವೇಶಗಳಲ್ಲಿ ದೇವರ ಚಿತ್ತವನ್ನು ಕಂಡುಹಿಡಿಯಲು ಅಸಮರ್ಥರಾಗಿದ್ದಾರೆ ಏಕೆಂದರೆ ಅವರು ತಮ್ಮ ಜೀವನದ ಒಂದು ಭಾಗದಲ್ಲಿ ದೇವರ ಪ್ರಕಟಿತ ಚಿತ್ತವನ್ನು ನಿರಂತರವಾಗಿ ನಿರ್ಲಕ್ಷಿಸುತ್ತಿದ್ದಾರೆ—ಅದು ಎಲ್ಲಾ ಸಮಯದಲ್ಲೂ ಕೃತಜ್ಞರಾಗಿರುವುದು! ಸತತವಾಗಿ ತನ್ನ ಚಿತ್ತಕ್ಕೆ ಅವಿಧೇಯರಾಗಿರುವವರಿಗೆ ದೇವರು ತನ್ನ ಚಿತ್ತವನ್ನು ಹೆಚ್ಚು ಬಹಿರಂಗಪಡಿಸಬೇಕೆ?

ಹಿಟ್ಲರನ ಕಾಲದಲ್ಲಿ ಅನೇಕ ಯಹೂದಿಗಳನ್ನು ಬಚ್ಚಿಟ್ಟ ಜರ್ಮನಿಯ ಪ್ರಸಿದ್ಧ ನಂಬಿಗಸ್ತರಾದ ಕೊರಿ ಟೆನ್ ಬೂಮ್ ತನ್ನ ಪುಸ್ತಕವಾದ “ದಿ ಹೈಡಿಂಗ್ ಪ್ಲೇಸ್”ನಲ್ಲಿ, ಯಾವಾಗಲೂ ಕೃತಜ್ಞರಾಗಿರಲು ಕಲಿಸಿದ ಒಂದು ಘಟನೆಯನ್ನು ವಿವರಿಸುತ್ತಾಳೆ. ಕೊರಿ ಮತ್ತು ಅವಳ ಸಹೋದರಿ ಬೆಟ್ಸಿಯನ್ನು, ಅವರು ಇದುವರೆಗೆ ಕಂಡಿರದ ಅತ್ಯಂತ ಕೆಟ್ಟ ಜರ್ಮನ್ ಸೆರೆಮನೆ ಶಿಬಿರವಾದ ರಾವೆನ್ಸ್ ಬ್ರಕ್ ಗೆ ವರ್ಗಾಯಿಸಲಾಗಿತ್ತು. ಅಲ್ಲಿ ವಸತಿ ನೆಲೆಯನ್ನು ಪ್ರವೇಶಿಸಿದಾಗ, ಅವರು ಅಲ್ಲಿ ಹೆಚ್ಚು ಜನದಟ್ಟಣೆ ಮತ್ತು ಚಿಗಟ ಪೀಡಿತವಾಗಿರುವುದನ್ನು ಕಂಡುಕೊಂಡರು.

ಆ ದಿನ ಬೆಳಿಗ್ಗೆ, 1 ಥೆಸಲೋನಿಕದಲ್ಲಿರು ದೇವರ ವಾಕ್ಯವು ಅವರಿಗೆ ಯಾವಾಗಲೂ ಆನಂದಿಸುವಂತೆ, ನಿರಂತರವಾಗಿ ಪ್ರಾರ್ಥಿಸುವಂತೆ ಮತ್ತು ಯಾವಾಗಲೂ ಕೃತಜ್ಞರಾಗಿರುವಂತೆ ನೆನಪಿಸಿತು. ಬೆಟ್ಸಿ, ಕೊರಿಯವರಿಗೆ ಸ್ವಲ್ಪ ವಿರಾಮ ನೀಡಿ ತಮ್ಮ ಹೊಸ ವಾಸಸ್ಥಳದ ಪ್ರತಿಯೊಂದು ವಿವರಕ್ಕಾಗಿ  ದೇವರಿಗೆ ಧನ್ಯವಾದ ಹೇಳಲು ಹೇಳಿದಳು. ಕೊರಿ ಮೊದಲಿಗೆ ನಿರಾಕರಿಸಿದರೂ, ಅವಳು ಅಂತಿಮವಾಗಿ ಬೆಟ್ಸಿಯ ಮನವಿಗೆ ಮಣಿದಳು.

ಆ ಶಿಬಿರದಲ್ಲಿ ಕಳೆದ ತಿಂಗಳುಗಳಲ್ಲಿ, ಕಾವಲುಗಾರರ ಹಸ್ತಕ್ಷೇಪವಿಲ್ಲದೆ ಬೈಬಲ್ ಅಧ್ಯಯನಗಳು ಮತ್ತು ಪ್ರಾರ್ಥನಾ ಕೂಟಗಳನ್ನು ತಾವು ಎಷ್ಟು ಬಹಿರಂಗವಾಗಿ ನಡೆಸಸಾಧ್ಯವಿತ್ತು ಎಂಬುದನ್ನು ಕಂಡು ಅವರು ಆಶ್ಚರ್ಯಚಕಿತರಾದರು. ತಿಂಗಳುಗಳ ನಂತರ, ಚಿಗಟಗಳ ಕಾರಣದಿಂದಾಗಿ ಕಾವಲುಗಾರರು ಅವರ ವಸತಿ ನೆಲೆಗಳನ್ನು ಪ್ರವೇಶಿಸುವುದಿಲ್ಲ ಎಂದು ಅವರು ತಿಳಿದುಕೊಂಡರು. 

ಅದು ಅದ್ಭುತ. ನಾವು ಆತನ ವಾಕ್ಯಕ್ಕೆ ವಿನಮ್ರತೆಯಿಂದ ವಿಧೇಯರಾಗಿರುವಾಗ ದೇವರು ತನ್ನ ಮಹಿಮೆಗೆ ಅತ್ಯಂತ ಸವಾಲಿನ ಸಂದರ್ಭಗಳಲ್ಲಿಯೂ ಹೇಗೆ ಕೆಲಸಮಾಡುತ್ತಾನೆ ನೋಡಿ!

ಕರ್ತನಾದ ಯೇಸು ಕೂಡ ತನ್ನ ಬೋಧನೆಗಳಲ್ಲಿ ದೇವರಿಗೆ ಕೃತಜ್ಞತೆ ಸಲ್ಲಿಸುವುದರ ಪ್ರಾಮುಖ್ಯವನ್ನು ಒತ್ತಿಹೇಳಿದನು. ಹತ್ತು ಮಂದಿ ಕುಷ್ಠರೋಗಿಗಳನ್ನು ಶುದ್ಧೀಕರಿಸಿದ ನಂತರ, ಕೃತಜ್ಞತೆ ಸಲ್ಲಿಸಲು ಕೇವಲ ಒಬ್ಬನೇ ಹಿಂದಿರುಗಿದ್ದನ್ನು ಕಂಡು ಕರ್ತನು ಹೇಳಿದ್ದು ಹೀಗಿದೆ: “17 ಯೇಸು ಇದನ್ನು ನೋಡಿ—ಹತ್ತು ಮಂದಿ ಶುದ್ಧರಾದರಲ್ಲವೇ, ವಿುಕ್ಕ ಒಂಭತ್ತು ಮಂದಿ ಎಲ್ಲಿ? 18ದೇವರನ್ನು ಸ್ತುತಿಸುವದಕ್ಕೆ ಈ ಅನ್ಯದೇಶದವನೇ ಹೊರತು ಇನ್ನಾರೂ ಹಿಂತಿರುಗಿ ಬರಲಿಲ್ಲವೇ ಎಂದು ಕೇಳಿದನು?” [ಲೂಕ 17:17-18]. ಸರಳವಾಗಿ ಹೇಳುವುದಾದರೆ, ಕೃತಜ್ಞತಾ ಮನೋಭಾವದ ಕೊರತೆಯು ದೇವರಿಗೆ ಅಸಮಾಧಾನವನ್ನು ತರುವ ಅವಿಧೇಯತೆಯ ಕ್ರಿಯೆಯಾಗಿದೆ. 

ಆದ್ದರಿಂದ, ನೀವು ನೋಡಬಹುದು, ಕೃತಜ್ಞತೆಯಿಲ್ಲದ ಹೃದಯವನ್ನು ಹೊಂದುವ ಅಪಾಯಗಳು ನಿಜವಾಗಿಯೂ ತೀವ್ರವಾಗಿವೆ! ಇದು ದೇವರಿಗೆ ಅಸಮಾಧಾನವನ್ನು ತರುವ ಒಂದು ಕ್ರಿಯೆಯಾಗಿದೆ ಏಕೆಂದರೆ ಅದು ಅವನ ಪ್ರಕಟಿತ ಚಿತ್ತವನ್ನು ಉಲ್ಲಂಘಿಸುತ್ತದೆ. ಮತ್ತು ಇದು ನಮ್ಮ ನಿಜವಾದ ಸ್ಥಿತಿಯನ್ನು ತೋರಿಸುತ್ತದೆ, ನಾವು ಬರಿ ನಮ್ಮ ಬಾಯಿ ಮಾತಿನಿಂದ  ಗೌರವಿಸಿದರೆ  ಆತನ  ಮಕ್ಕಳಾಗುವುದಿಲ್ಲ!

ಈಗ, ಮತ್ತೊಂದೆಡೆ, ಕೃತಜ್ಞತಾ ಮನೋಭಾವವು ನಮ್ಮನ್ನು ಗುರುತಿಸಿದರೆ, ಅದರಿಂದ ಪ್ರಯೋಜನಗಳು ಅನೇಕ! ಅವುಗಳಲ್ಲಿ 4  ನೋಡೋಣ.

II. ಕೃತಜ್ಞತಾಪೂರ್ವಕ ಹೃದಯವನ್ನು ಬೆಳೆಸಿಕೊಳ್ಳುವುದರ ಪ್ರಯೋಜನಗಳು.

ಪ್ರಯೋಜನ # 1. ಅಹಂಕಾರ ಕಡಿಮೆಯಾಗುತ್ತದೆ—ದೀನತೆ [ನಮ್ರತೆ] ಹೆಚ್ಚಾಗುತ್ತದೆ.

ಕೃತಜ್ಞತಾಪೂರ್ವಕ ಹೃದಯವನ್ನು ಬೆಳೆಸಿಕೊಳ್ಳುವುದಕ್ಕೆ ಇರುವ ಒಂದು ಪ್ರಮುಖ ಅಡಚಣೆಯೆಂದರೆ ಅಹಂಕಾರ. ನಮ್ಮ ಯಶಸ್ಸಿಗೆ ಶ್ರೇಯಸ್ಸನ್ನು ತೆಗೆದುಕೊಳ್ಳುವ ಪ್ರವೃತ್ತಿ ನಮ್ಮೆಲ್ಲರಲ್ಲೂ ಇದೆ. ಆದರೂ, ಕೃತಜ್ಞತಾಪೂರ್ವಕ ಹೃದಯವು ಎಲ್ಲಾ ಒಳ್ಳೇ ಸಂಗತಿಗಳು ಒಬ್ಬನೆ ಸಾರ್ವಭೌಮ ದೇವರ ಕೈಯಿಂದ ಬರುತ್ತವೆ ಮತ್ತು ಆತನ ಕರುಣೆಯಿಲ್ಲದೆ, ಯಾವುದೇ ಒಳ್ಳೇದು ಸಾಧ್ಯವಿಲ್ಲ ಎಂಬುದನ್ನು ಗುರುತಿಸುತ್ತದೆ. 1 ಕೊರಿಂಥ 4:7ರಲ್ಲಿ ನಮಗೆ ನೆನಪಿಸಲ್ಪಟ್ಟಿದೆ, “ನಿನಗೂ ಇತರರಿಗೂ ತಾರತಮ್ಯ ಮಾಡಿದವರು ಯಾರು? ದೇವರಿಂದ ಹೊಂದದಿರುವಂಥದು ನಿನ್ನಲ್ಲಿ ಒಂದಾದರೂ ಉಂಟೋ? ಹೊಂದಿದ ಮೇಲೆ ಹೊಂದದವನಂತೆ ನೀನು ಯಾಕೆ ಹಿಗ್ಗಿಕೊಳ್ಳುತ್ತೀ?”

“ದಿ ಆರ್ಟ್ ಆಫ್ ಬೀಯಿಂಗ್ ಎ ಬಿಗ್ ಶಾಟ್” ಎಂಬ ಶೀರ್ಷಿಕೆಯ ಲೇಖನದಲ್ಲಿ, ಪ್ರಮುಖ ಕ್ರಿಶ್ಚಿಯನ್ ಉದ್ಯಮಿ ಹೊವಾರ್ಡ್ ಬಟ್ ಹೇಳಿದ್ದು ಇಲ್ಲಿದೆ:

ನನ್ನ ಅಹಂಕಾರವೇ ನನ್ನನ್ನು ದೇವರಿಂದ ಸ್ವತಂತ್ರನನ್ನಾಗಿ ಮಾಡುತ್ತದೆ. ನಾನು ನನ್ನ ಅದೃಷ್ಟದ ಒಡೆಯನಾಗಿದ್ದೇನೆ, ನಾನು ನನ್ನ ಸ್ವಂತ ಜೀವನವನ್ನು ನಡೆಸುತ್ತೇನೆ, ನಾನು ಮಾಡಿದೆಲ್ಲವು ನನ್ನ ಸ್ವಂತ ಪ್ರಯತ್ನದಿಂದ  ಎಂದು ಕರೆಯುತ್ತೇನೆ, ಇದನ್ನು  ಏಕಾಂಗಿಯಾಗಿ ನೋಡುತ್ತೇನೆ ಎಂದು ಭಾವಿಸುವುದು ನನಗೆ ಆಕರ್ಷಕವಾಗಿದೆ. ಆದರೆ ಆ ಭಾವನೆ ನನ್ನ ಮೂಲಭೂತ ಅಪ್ರಾಮಾಣಿಕತೆ. ನಾನು ಅದನ್ನು ಏಕಾಂಗಿಯಾಗಿ ಮಾಡಲು ಸಾಧ್ಯವಿಲ್ಲ. ನಾನು ಇತರ ಜನರಿಂದ ಸಹಾಯವನ್ನು ಪಡೆಯಬೇಕಾಗಿದೆ, ಮತ್ತು ನಾನು ಅಂತಿಮವಾಗಿ ನನ್ನನ್ನು ಅವಲಂಬಿಸಲು ಸಾಧ್ಯವಿಲ್ಲ. ನನ್ನ ಮುಂದಿನ ಪ್ರತಿ ಉಸಿರಿಗಾಗಿ ನಾನು ದೇವರ ಮೇಲೆ ಅವಲಂಬಿತನಾಗಿದ್ದೇನೆ. ನಾನು ದುರ್ಬಲ ಮತ್ತು ಸೀಮಿತವಾದ ಮನುಷ್ಯನಲ್ಲದೆ ಬೇರೇನೂ ಅಲ್ಲ ಎಂದು ನಟಿಸುವುದು ನನಗೆ ಅಪ್ರಾಮಾಣಿಕವಾಗಿದೆ…ನಾನು ಅಹಂಕಾರದಿಂದಿದ್ದಾಗ, ನಾನು ನನಗೆ ನಾನೇ ಸುಳ್ಳು ಹೇಳುತ್ತಿದ್ದೇನೆ. ನಾನು ದೇವರಂತೆ ನಟಿಸುತ್ತಿದ್ದೇನೆ, ಮನುಷ್ಯನಂತೆ ಅಲ್ಲ. ಅಹಂಕಾರವೇ  ನನ್ನ ವಿಗ್ರಹಾರಾಧನೆ. ಮತ್ತು ಅದು ನರಕದ ರಾಷ್ಟ್ರೀಯ ಧರ್ಮ!

ಮತ್ತೊಂದೆಡೆ, ಕೃತಜ್ಞತೆಯು  ಅಹಂಕಾರಕ್ಕೆ ಪರಿಪೂರ್ಣ ಚಿಕಿತ್ಸೆಯಾಗಿದೆ. ನಮ್ಮಲ್ಲಿರುವ ಎಲ್ಲವು ದೇವರ ಅನುಗ್ರಹದ ಫಲ ಎಂಬುದನ್ನು ಸತತವಾಗಿ ಅಂಗೀಕರಿಸುವುದು ನಮ್ಮಲ್ಲಿ ನಮ್ರತೆಯನ್ನು ಹೆಚ್ಚಿಸಲು ನಮ್ಮನ್ನು ಪ್ರೇರೇಪಿಸುತ್ತದೆ. 

ಪ್ರಯೋಜನ # 2. ದೂರು ಕಡಿಮೆಯಾಗುತ್ತದೆ—ಸಂತೃಪ್ತಿ ಹೆಚ್ಚಾಗುತ್ತದೆ.

ದೇವರು ನಮ್ಮ ಜೀವಿತಗಳಲ್ಲಿ ಏನು ಮಾಡಿದ್ದಾನೆ ಮತ್ತು ಏನು ಮಾಡುತ್ತಿದ್ದಾನೆಂಬುದಕ್ಕಾಗಿ ನಾವು ಆತನಿಗೆ ನಿರಂತರವಾಗಿ ಕೃತಜ್ಞತೆ ಸಲ್ಲಿಸಿದರೆ, ನಾವು ದೂರುವ ಪಾಪಕ್ಕೆ ಬಲಿಯಾಗುವುದಿಲ್ಲ. ದೂರು ನೀಡುವುದು ನಿಜವಾಗಿಯೂ ತಪ್ಪಾದ ಒಂದು ನಿರ್ದಿಷ್ಟ ಪರಿಸ್ಥಿತಿಯ ಬಗ್ಗೆ ಸತ್ಯವನ್ನು ಹೇಳುವುದಿಲ್ಲ. ಬದಲಾಗಿ ದೂರುವುದು [ಅಥವಾ ಗೊಣಗುವುದು] ನಮ್ಮ ಜೀವನದ ವ್ಯವಹಾರಗಳ ಮೇಲೆ ದೇವರ ಪರಮಾಧಿಕಾರವನ್ನು ಪ್ರಶ್ನಿಸುವ ಮನೋಭಾವವಾಗಿದೆ. ಇದು ಈ ಕೆಳಗಿನ ರೀತಿಯಲ್ಲಿ ವ್ಯಕ್ತವಾಗುವ ಮನೋಭಾವವಾಗಿದೆ: “ದೇವರು ನನ್ನನ್ನು ನಿಜವಾಗಿಯೂ ಪ್ರೀತಿಸುವುದಾದರೆ, ನನಗೆ ಹೀಗಾಗಲು ಆತನು ಹೇಗೆ ಅನುಮತಿಸಬಲ್ಲನು?” ನಮ್ಮ ದೂರನ್ನು ಬಾಯಿ ಮಾತಿನಿಂದ ವ್ಯಕ್ತಪಡಿಸದಿದ್ದರೂ [ಕೆಲವರು ಮನಸ್ಸಿನಲ್ಲಿ ಯೋಚಿಸುತ್ತಾರೆ], ಅದು ಇನ್ನೂ ಪಾಪಕರವಾಗಿದೆ. ಪಾಪಭರಿತ ಜೀವಿಗಳು [ನಮ್ಮೆಲ್ಲರನ್ನೂ ಒಳಗೊಂಡು] ನಮ್ಮ ಪಾಪಗಳ ಬೆಳಕಿನಲ್ಲಿ ದೂರಬಹುದೇ?

ಪ್ರಲಾಪಗಳು 3:39 ನಮಗೆ ನೆನಪಿಸುತ್ತದೆ, “ಮನುಷ್ಯನಿಗೆ ಜೀವವರವಿರಲು ತನ್ನ ಪಾಪದ ಶಿಕ್ಷೆಗಾಗಿ ಗುಣುಗುಟ್ಟುವದೇಕೆ?” ನಮ್ಮ ಪಾಪಗಳ ಪರಿಣಾಮವಾಗಿ ನಾವು ಯಾವುದೇ ಒಳ್ಳೆಯ ವಿಷಯಕ್ಕೆ ಅರ್ಹರಲ್ಲ ಎಂಬುದನ್ನು ನಾವು ಅರ್ಥಮಾಡಿಕೊಂಡರೆ, ನಮ್ಮ ಜೀವನದಲ್ಲಿ ದೇವರ ಕರುಣೆಯನ್ನು ಕಂಡು ನಾವು ಆಶ್ಚರ್ಯಚಕಿತರಾಗುವೆವು—ಎಲ್ಲಾ ಸನ್ನಿವೇಶಗಳಲ್ಲಿಯೂ ತೃಪ್ತರಾಗಿ ಕೃತಜ್ಞರಾಗಿರುತ್ತೇವೆ ಮತ್ತು “ಯೆಹೋವನು ನನಗೆ ಕುರುಬನು; ಕೊರತೆಪಡೆನು” ಎಂದು ನಿರಂತರವಾಗಿ ಹೇಳುತ್ತೇವೆ.

ಪ್ರಯೋಜನ # 3. ದೇವರಲ್ಲಿ ಸಂದೇಹ ಕಡಿಮೆಯಾಗುತ್ತದೆ—ದೇವರಲ್ಲಿ ನಂಬಿಕೆ ಹೆಚ್ಚಾಗುತ್ತದೆ.

ಎಲ್ಲಾ ಸಮಯದಲ್ಲೂ ದೇವರಲ್ಲಿ ಭರವಸೆಯಿಡುವ ಒಂದು ಗಮನಾರ್ಹ ಅಡಚಣೆಯೆಂದರೆ ಕೃತಜ್ಞತಾ ಮನೋಭಾವದ ಕೊರತೆ. ಆದಾಗ್ಯೂ, ಕೃತಜ್ಞತೆಯು ಈ ಸಮಸ್ಯೆಗೆ ಪರಿಪೂರ್ಣ ಪರಿಹಾರವನ್ನು ಒದಗಿಸುತ್ತದೆ. ಪೌಲನು ತನ್ನ ಎಲ್ಲಾ ಪರೀಕ್ಷೆಗಳಲ್ಲಿ ದೇವರನ್ನು ನಂಬಸಾಧ್ಯವಿತ್ತು, ಏಕೆಂದರೆ ಅವನು ದೇವರ ಹಿಂದಿನ ಬಿಡುಗಡೆಯನ್ನು ನಿರಂತರವಾಗಿ ನೆನಪಿಸಿಕೊಂಡನು ಮತ್ತು ಹೀಗೆ ಭವಿಷ್ಯತ್ತಿಗಾಗಿಯೂ ದೇವರಲ್ಲಿ  ಭರವಸೆಯಿಡುತ್ತಿದ್ದನು. ಆತನ ಮಾತುಗಳನ್ನು ಗಮನಿಸಿರಿ, “3 ನಮ್ಮ ಕರ್ತನಾದ ಯೇಸು ಕ್ರಿಸ್ತನ ದೇವರೂ ತಂದೆಯೂ ಆಗಿರುವಾತನಿಗೆ ಸ್ತೋತ್ರವಾಗಲಿ; ಆತನು ಕನಿಕರವುಳ್ಳ ತಂದೆಯೂ ಸಕಲವಿಧವಾಗಿ ಸಂತೈಸುವ ದೇವರು 10 [ಆತನು] ನಮ್ಮನ್ನು ಎಂಥ ಭಯಂಕರಮರಣದಿಂದ ತಪ್ಪಿಸಿದನು; [ಮುಂದೆಯೂ] ತಪ್ಪಿಸುವನು. ನೀವು ನಮಗೋಸ್ಕರ ಪ್ರಾರ್ಥನೆ ಮಾಡುವವರಾಗಿ ಸಹಕಾರಿಗಳಾಗಿರುವದರಿಂದ ಆತನು [ಇನ್ನು ಮೇಲೆಯೂ] ತಪ್ಪಿಸುವನೆಂದು ಆತನಲ್ಲಿ ನಿರೀಕ್ಷೆಯಿಟ್ಟವರಾಗಿದ್ದೇವೆ” [2 ಕೊರಿಂಥ 1:3, 10].

ದೇವರ ಹಿಂದಿನ ಕರುಣೆಗಳ ಕುರಿತು ನಿರಂತರವಾಗಿ ಪ್ರತಿಬಿಂಬಿಸುವ ಕೃತಜ್ಞತಾ ಮನೋಭಾವವು ಪ್ರಸ್ತುತ ಮತ್ತು ಭವಿಷ್ಯದ ಆವಶ್ಯಕತೆಗಳಿಗಾಗಿ ದೇವರ ಮೇಲೆ ಅವಲಂಬಿತವಾಗುವಂತೆ ಬಲಪಡಿಸಲ್ಪಡುತ್ತದೆ. ಮತ್ತು ಆ ರೀತಿಯಲ್ಲಿ, ಇದು ಸಂದೇಹ, ಹತಾಶೆ ಮತ್ತು ಅಡ್ಡದಾರಿಗಳನ್ನು ತೆಗೆದುಕೊಳ್ಳುವುದರಿಂದ ರಕ್ಷಿಸಲ್ಪಟ್ಟಿದೆ.

ಪ್ರಯೋಜನ # 4. ಚಿಂತೆ ಕಡಿಮೆಯಾಗುತ್ತದೆ—ಶಾಂತಿ ಹೆಚ್ಚಾಗುತ್ತದೆ.

ಕ್ರ್ಯೆಸ್ತ ಜೀವನದ ಒಂದು ನ್ಯೂನತೆಯೆಂದರೆ ನಕಾರಾತ್ಮಕತೆಗಳ ಮೇಲೆ ಅನಾರೋಗ್ಯಕರ ಗಮನವನ್ನು ಕೇಂದ್ರೀಕರಿಸುವ ಪ್ರವೃತ್ತಿ ಮತ್ತು ದೇವರ ಆಶೀರ್ವಾದಗಳಿಗಾಗಿ ದೇವರಿಗೆ ಧನ್ಯವಾದ ಹೇಳಲು ಸಾಕಷ್ಟು ಸಮಯವನ್ನು ತೆಗೆದುಕೊಳ್ಳದಿರುವುದು.  ಅಂತಹ ಮನೋಭಾವವು  ನಮ್ಮ ಹೃದಯಗಳಲ್ಲಿ ಚಿಂತೆಯು ಆಳಲು ಪರಿಪೂರ್ಣ ಪಾಕವಿಧಾನವಾಗಿದೆ. ಆದರೂ, ದೇವರ ವಾಕ್ಯವು ಅಂತಹ ಚಿಂತೆಗೆ ಒಂದು ಪರಿಹಾರವನ್ನು ಹೊಂದಿದೆ: ಫಿಲಿಪ್ಪಿ 4:6-7ರಲ್ಲಿ ನೋಡಿರುವಂತೆ ಕೃತಜ್ಞತಾಪೂರ್ವಕ ಹೃದಯವನ್ನು ಹೊಂದಿರುವುದು.

ಫಿಲಿಪ್ಪಿ 4:6ರಲ್ಲಿ ದೇವರು ನಮಗೆ ಆಜ್ಞಾಪಿಸುವುದೇನೆಂದರೆ: “6ಯಾವ ಸಂಬಂಧವಾಗಿಯೂ ಚಿಂತೆಮಾಡದೆ ಸರ್ವವಿಷಯದಲ್ಲಿ ದೇವರ ಮುಂದೆ ಕೃತಜ್ಞತಾಸ್ತುತಿಯನ್ನೂ ಪ್ರಾರ್ಥನೆ ವಿಜ್ಞಾಪನೆಗಳನ್ನೂ ಮಾಡುತ್ತಾ ನಿಮಗೆ ಬೇಕಾದದ್ದನ್ನು ತಿಳಿಯಪಡಿಸಿರಿ. 7ಆಗ ಎಲ್ಲಾ ಗ್ರಹಿಕೆಯನ್ನು ಮೀರುವ ದೇವಶಾಂತಿಯು ನಿಮ್ಮ ಹೃದಯಗಳನ್ನೂ ಯೋಚನೆಗಳನ್ನೂ ಕ್ರಿಸ್ತ ಯೇಸುವಿನಲ್ಲಿ ಕಾಯುವದು.” ಹೀಗೆ ನಮ್ಮ ಹೃದಯಗಳು ಆತಂಕದಿಂದ ಮುಕ್ತವಾಗಬಲ್ಲವು  ಎಂಬುದು ದೇವರ ವಾಗ್ದಾನವಾಗಿದೆ.

ಕೃತಜ್ಞ ಹೃದಯವನ್ನು ಬೆಳೆಸಿಕೊಳ್ಳುವುದರಿಂದ ಉಂಟಾಗುವ 4 ಪ್ರಯೋಜನಗಳನ್ನು ನೋಡಿದ ನಂತರ, ಈ ರೀತಿಯ ಹೃದಯವನ್ನು ನಾವು ಹೇಗೆ ಬೆಳೆಸಿಕೊಳ್ಳಬಹುದು ಎಂಬುದನ್ನು ನೋಡೋಣ.

III. ಕೃತಜ್ಞತಾಪೂರ್ವಕ ಹೃದಯವನ್ನು ಬೆಳೆಸಿಕೊಳ್ಳುವ ಬಗ್ಗೆ ಸಲಹೆಗಳು.

ಕೃತಜ್ಞತಾಪೂರ್ವಕ ಹೃದಯವನ್ನು ಬೆಳೆಸಿಕೊಳ್ಳುವ ಕುರಿತು 2 ಸಲಹೆಗಳು ಈ ಕೆಳಗಿನಂತಿವೆ.

ಸಲಹೆ # 1. ನಿರಂತರವಾಗಿ ಶಿಲುಬೆಯ ವಿಚಾರವನ್ನು ಪ್ರತಿಬಿಂಬಿಸುವುದು.

ಇದುವರೆಗೆ ಜೀವಿಸಿದ ಮಹಾನ್ ಕ್ರೈಸ್ತರಲ್ಲಿ ಒಬ್ಬನಾಗಿದ್ದ ಅಪೊಸ್ತಲ ಪೌಲನು, ಅನೇಕ ಕಷ್ಟಾನುಭವಗಳನ್ನು ಅನುಭವಿಸಿದರೂ, ಅವನು ಯಾವಾಗಲೂ ಕೃತಜ್ಞನಾಗಿರುವುದನ್ನು ನಾವು ಗಮನಿಸುತ್ತೇವೆ. ಅವನ ರಹಸ್ಯವೇನು? 1 ಕೊರಿಂಥ 2:2ರಲ್ಲಿ ಒಂದು ಉತ್ತರವು ಕಂಡುಬರುತ್ತದೆ ಎಂದು ನಾನು ನಂಬುತ್ತೇನೆ, “ನಾನು ಶಿಲುಬೆಗೆ ಹಾಕಲ್ಪಟ್ಟವನಾದ ಯೇಸು ಕ್ರಿಸ್ತನನ್ನೇ ಹೊರತು ಬೇರೆ ಯಾವದನ್ನೂ ತಿಳಿಯದವನಾಗಿ ನಿಮ್ಮಲ್ಲಿ ಇರುವೆನೆಂದು ತೀರ್ಮಾನಿಸಿಕೊಂಡೆನು.” ಈಗ, ಪೌಲನು ಬೇರೆ ವಿಷಯಗಳ ಕುರಿತು ಮಾತಾಡಲಿಲ್ಲ ಎಂದು ಇದರ ಅರ್ಥವಲ್ಲ. ಇದೇ ಪತ್ರದಲ್ಲಿ ಅವರು  ಬೇರೆ ಬೇರೆ ವಿಷಯಗಳ ಬಗ್ಗೆ ಮಾತನಾಡಿದ್ದರು. ಆದರೆ ಅವನ ಮುಖ್ಯ ಗಮನವು ಯೇಸುವಿನ ಮೇಲೆ ಕೇಂದ್ರೀಕೃತವಾಗಿತ್ತು, ಮುಖ್ಯವಾಗಿ ಶಿಲುಬೆಯ ಮೇಲಿನ ಕ್ರಿಸ್ತನ ಮರಣ ಮತ್ತು ನಂತರದ  ಪುನರುತ್ಥಾನದಿಂದ ಆತನು ಏನನ್ನು ಸಾಧಿಸಿದನು. ಆ ಸತ್ಯಗಳ ಬಗ್ಗೆ ನಿರಂತರವಾಗಿ ಪ್ರತಿಬಿಂಬಿಸುವುದು ಅವನಿಗೆ ನಿತ್ಯತ್ವದ ದೃಷ್ಟಿಕೋನವನ್ನು ನೀಡಿತು. ಮತ್ತು ಅವನು ಯಾವುದೇ ಕಷ್ಟದ ಸಮಯದಲ್ಲಿ ಅಥವಾ ಶೋಧನೆಯ ಸಮಯದಲ್ಲಿ ಅದು ಅವನನ್ನು ಕೃತಜ್ಞತೆಯಿಂದ ಉಕ್ಕಿ ಹರಿಯುವಂತೆ ಮಾಡಿತು!

ನಮ್ಮ ವಿಷಯದಲ್ಲೂ ಅದೇ ಆಗಿದೆ. ಶಿಲುಬೆಯಲ್ಲಿ ಯೇಸು ನಮಗಾಗಿ ಏನನ್ನು ಸಾಧಿಸಿದನೆಂಬುದನ್ನು ನಾವು ಹೆಚ್ಚು ಹೆಚ್ಚು ಆಲೋಚಿಸಿದಷ್ಟೂ, ನಾವು ಹೆಚ್ಚು ಕೃತಜ್ಞತೆಯಲ್ಲಿ ಬೆಳೆಯುತ್ತೇವೆ.

ಸಲಹೆ # 2. ಕೃತಜ್ಞತೆಯನ್ನು ಪ್ರಾರ್ಥನೆಯ ಅವಿಭಾಜ್ಯ ಅಂಗವಾಗಿ ಅಳವಡಿಸಿಕೊಳ್ಳಿ.

ಕೊಲೊಸ್ಸೆ 4:2ರಲ್ಲಿ ದೇವರು ನಮಗೆ ಆಜ್ಞಾಪಿಸಿದನು, “ಪ್ರಾರ್ಥನೆಯನ್ನು ತಪ್ಪದೆ ಮಾಡುವವರಾಗಿ ಅದರಲ್ಲಿ ಎಚ್ಚರವಾಗಿದ್ದು ದೇವರಿಗೆ ಕೃತಜ್ಞತಾಸ್ತುತಿ ಮಾಡಿರಿ.” ಬೇರೆ ರೀತಿಯಲ್ಲಿ ಹೇಳುವುದಾದರೆ, ಕೃತಜ್ಞತೆಯು ನಮ್ಮ ಪ್ರತಿಯೊಂದು ಪ್ರಾರ್ಥನೆಯ ಅವಿಭಾಜ್ಯ ಅಂಗವಾಗಿರಬೇಕು! ದೇವರು ನಮಗಾಗಿ ಮಾಡಿದ ಎಲ್ಲದಕ್ಕೂ ಆತನಿಗೆ ಕೃತಜ್ಞತೆ ಸಲ್ಲಿಸಲು ನಾವು ಸಮಯವನ್ನು ಮೀಸಲಿಡಬೇಕು.

ಅಗತ್ಯವಿದ್ದಾಗ ಮಾತ್ರ ನಮ್ಮ ಮಕ್ಕಳು ನಮ್ಮೊಂದಿಗೆ ಮಾತನಾಡುತ್ತಾರೆ ಮತ್ತು ತೀರ ವಿರಳವಾಗಿ ಕೃತಜ್ಞತೆ ಪದವನ್ನು ಹೇಳುತ್ತಾರೆ ಎಂದು ಕಲ್ಪಿಸಿಕೊಳ್ಳಿ! ನಾವು ದುಃಖಿತರಾಗುವುದಿಲ್ಲವೇ? ಆದರೂ, ಕೇವಲ ನಮ್ಮ ಆವಶ್ಯಕತೆಗೆ ಬೇಕಾದಾಗ ಮಾತ್ರ ಆತನ ಬಳಿಗೆ ಹೋಗುವ ಮೂಲಕ ನಾವು ಎಷ್ಟು ಬಾರಿ ನಮ್ಮ ಪರಲೋಕದ ತಂದೆಯ ಬಳಿಗೆ ಹೋಗುತ್ತೇವೆ, ಆದರೆ ಎಂದಿಗೂ “ಕೃತಜ್ಞತೆಯನ್ನು” ಹೇಳುವುದಿಲ್ಲ. ನಾವು ಇನ್ನು ಮುಂದೆ ಅವನನ್ನು ದುಃಖಿಸಬಾರದು. ದೇವರಿಗಾಗಿ ಮತ್ತು ಆತನು ನಮಗಾಗಿ ಏನು ಮಾಡಿದ್ದಾನೆಂಬದಕ್ಕಾಗಿ ಆತನಿಗೆ ನಿರಂತರವಾಗಿ ಕೃತಜ್ಞತೆ ಸಲ್ಲಿಸಲು ಉದ್ದೇಶಪೂರ್ವಕ ಪ್ರಯತ್ನವನ್ನು ಮಾಡೋಣ.

ಅಂತಿಮ ಆಲೋಚನೆಗಳು.

ದಾನಿಯೇಲನು ಬೈಬಲಿನಲ್ಲಿ ಚಿರಪರಿಚಿತ ಮತ್ತು ಪ್ರೀತಿಪಾತ್ರ ಪಾತ್ರವಾಗಿದೆ. ಚಿಕ್ಕ ವಯಸ್ಸಿನಲ್ಲಿಯೇ ಕರ್ತನ ಪರವಾಗಿ ನಿಲ್ಲುವ ಅವನ ಸಂಕಲ್ಪವು ಅನೇಕರಿಗೆ ಪ್ರೇರಣೆಯಾಗಿದೆ [ದಾನಿ 1].  ದಾನಿಯೇಲನು ತನ್ನ ವೃದ್ಧಾಪ್ಯದಲ್ಲಿ ಒಂದು ಗಮನಾರ್ಹವಾದ ಕಷ್ಟವನ್ನು ಎದುರಿಸಿದನು—ರಾಜನ ಆಜ್ಞೆಗೆ ವಿರುದ್ಧವಾಗಿ ತನ್ನ ದೇವರಿಗೆ  ಪ್ರಾರ್ಥಿಸಿ  ಸಿಂಹಗಳ ಗುಹೆಗೆ ಎಸೆಯಲ್ಪಟ್ಟನು. ಅಲ್ಲಿ ಅವರ ಪ್ರತಿಕ್ರಿಯೆ ಗಮನಾರ್ಹವಾಗಿತ್ತು. “ದಾನಿಯೇಲನು ರಾಜನು ಆಜ್ಞೆಯನ್ನು ಪ್ರಕಟಿಸಲಾಗಿದೆ ಎಂದು ತಿಳಿದಾಗ, ಅವನು ತನ್ನ ಮಹಡಿಯ ಕೋಣೆಗೆ ಹೋದನು, ಅಲ್ಲಿ ಕಿಟಕಿಗಳು ಯೆರೂಸಲೇಮಿನ ಕಡೆಗೆ ತೆರೆಯಲ್ಪಟ್ಟವು. ದಿನಕ್ಕೆ ಮೂರು ಬಾರಿ ಅವನು ಮೊಣಕಾಲುಗಳ ಮೇಲೆ ಕುಳಿತು ಪ್ರಾರ್ಥಿಸುತ್ತಿದ್ದನು, ಮೊದಲಿನಂತೆಯೇ ತನ್ನ ದೇವರಿಗೆ ಕೃತಜ್ಞತೆ ಸಲ್ಲಿಸುತ್ತಿದ್ದನು” [ದಾನಿ 6:10].

ಗಮನಿಸಿ, ದಾನಿಯೇಲನು ದೇವರ ವಿರುದ್ಧ ಗೊಣಗುವುದಿಲ್ಲ. “ಇಷ್ಟು ವರ್ಷಗಳ ಕಾಲ ನಾನು ನಿಮಗೆ ನಂಬಿಗಸ್ತನಾಗಿದ್ದೆ, ಮತ್ತು ಇದಕ್ಕೆ ಪ್ರತಿಯಾಗಿ ನನಗೆ ಸಿಗುವುದು ಇದೇನಾ?” ಎಂದು ಅವನು ಹೇಳುವುದಿಲ್ಲ. ಬದಲಾಗಿ, ಅವನು ತನ್ನ ದೇವರಿಗೆ “ಮೊದಲಿನಂತೆ” ಕೃತಜ್ಞತೆಯನ್ನು ಸಲ್ಲಿಸುತ್ತಾನೆ. ಸಮೃದ್ಧಿಯ ಸಮಯದಲ್ಲಿ ಕೃತಜ್ಞತೆಯನ್ನು ಅರ್ಪಿಸುವ ಅಭ್ಯಾಸವು ಕಷ್ಟದ ಸಮಯದಲ್ಲಿಯೂ ಕೃತಜ್ಞತೆ ಸಲ್ಲಿಸಲು ಅವನಿಗೆ ಅನುವು ಮಾಡಿಕೊಟ್ಟಿತು. ಮತ್ತು ದೇವರು ಅವನ ಪ್ರಾರ್ಥನೆಗಳನ್ನು ಕೇಳಿದನು—ಏಕೆಂದರೆ ಅದು ಕೃತಜ್ಞತಾಪೂರ್ವಕ ಹೃದಯದಿಂದ ಬಂದಿತು! ಅಂತಹ ಹೃದಯವನ್ನು ಹೊಂದಲು ಪ್ರಯತ್ನಿಸೋಣ!